Luk 22:66-71 | SwhNEN | STEP | Kulipopambazuka, baraza la wazee wa watu, yaani viongozi wa makuhani na walimu wa sheria, wakakutana pamoja, naye Yesu akaletwa mbele yao.

Luke 22:66-71

Yesu Apelekwa Mbele Ya Baraza

(Mathayo 26:59-66; Marko 14:55-64; Yohana 18:28-38)

66 ^aKulipopambazuka, baraza la wazee wa watu, ^{▼▼Baraza la wazee hapa ina maana ya Sanhedrin ambalo lilikuwa ndilo Baraza la juu kabisa la utawala wa Kiyahudi, lililoundwa na wazee 70 pamoja na kuhani mkuu.} yaani viongozi wa makuhani na walimu wa sheria, wakakutana pamoja, naye Yesu akaletwa mbele yao. 67 ^cWakamwambia, “Kama wewe ndiye Kristo, ^{▼▼Kristo maana yake ni Masiya, yaani Aliyetiwa mafuta.} tuambie.”

Yesu akawajibu, “Hata nikiwaambia hamtaamini. 68 ^eNami nikiwauliza swali, hamtanijibu. 69 ^fLakini kuanzia sasa, Mwana wa Adamu ataketi mkono wa kuume wa Mungu Mwenye Nguvu.”

70 ^gWote wakauliza, “Wewe basi ndiwe Mwana wa Mungu?”

Yeye akawajibu, “Ninyi mwasema kwamba mimi ndiye.”

71 ^hKisha wakasema, “Tuna haja gani tena ya ushahidi zaidi? Tumesikia wenyewe kutoka kinywani mwake.”